Bakının Yasamal rayonu, A.M. Şərifzadə küçəsində sakinlər avtobusları yağışın altında gözləməyə məcbur qalırlar. Bu haqda bu gün, 13 dekabr tarixində Bakuplus.az xəbər verir.
“İnşaatçılar” metro stansiyasının yaxınlığında yerləşən avtobus dayanacağında pavilyon quraşdırılmayıb. Yolun bir tərəfində infrastruktur olsa da, digər tərəfdə vətəndaşlar yağışın altında qalırlar. Bu səbəbdən də sakinlər çətinlik çəkirlər.
“Yayda günün altında, indi isə yağışın altında gözləməyə məcbur oluruq. Avtobuslar gələnə qədər başdan ayağa islanırıq”, – deyə sakinlərdən biri şikayət edir.
Sözügedən ərazidə pavilyon problemi yay aylarında da sakinlərin narazılıqlarına səbəb olurdu.
[video width="1920" height="1080" mp4="https://bakuplus.az/storage/photos/2023/12/sequence-011.mp4"][/video]
