Yasamal rayonunda obyektlərdə yoxlamalar aparılıb. Bu haqda bu gün, 18 noyabr tarixində Bakuplus.az Fövqəladə Hallar Nazirliyinə istinadən xəbər verir.
Söhbət rayonun N.Nərimanov prospekti, 171 ünvanında yerləşən təkər təmiri sexindən gedir. Aparılan yoxlama zamanı yanğın təhlükəsizliyi sahəsində nöqsanların mövcud olduğu, həmin nöqsanların insan həyatı və ya sağlamlığına, ətraf mühitə və dövlətin əmlak maraqlarına birbaşa təhlükə yaratdığı məlum olub. Belə ki, sözügedən müəssisədə işlənmiş avtomobil şinlərinin yaxınlıqdakı obyektlərin damı üzərinə yığılması müəyyən edilib.
Aşkar olunan faktlarla bağlı obyekt sahibi ilə profilaktik söhbətlər aparılıb, nöqsanın aradan qaldırılması ilə bağlı göstərişlər verilib.
