Bakının Yasamal rayonu, Əhməd Cəmil və Həsən Məcidov küçələrinin kəsişməsində təzəlikcə yeni asfalt qoyulub, nişanlanma cizgiləri çəkilib. Lakin sakinlər mövcud xətlərdən narazıdırlar. Bu haqda bu gün, 28 dekabr tarixində Bakuplus.az məlumat verir.
Belə ki, təmirdən əvvəl ərazidə olan həyətə girmək üçün qoşa xətdə qırıq-qırıq hissə nəzərdə tutulmuşdu və əks tərəfdən hərəkət edən avtomobillər məhəlləyə rahat daxil ola bilirdi. Hazırda isə yol boyu qoşa xətt çəkilib və sakinlər uzun yol qət edərək mənzilbaşına qayıtmalıdırlar.
Ərazidə quraşdırılan müşahidə kameraları isə köhnə qaydalarla dönən vətəndaşların cərimə olunmalarına səbəb olur.
Həmçinin zolaqlarda istiqaməti əks etdirən cizgilər çəkilməyib, bu da sürücülər üçün çətinlik yaşadır.
[video width="1920" height="1080" mp4="https://bakuplus.az/storage/photos/2023/12/sequence-022-2.mp4"][/video]
