Paytaxtın Yasamal rayonu, Həsən Məcidov küçəsində yolların pis vəziyyətdə və işıqlandırma probleminin olduğunu xəbər vermişdik.
Bakuplus.az-ın məlumatına görə, məsələ ilə bağlı Yasamal Rayon İcra Hakimiyyəti münasibət bildirib.
Qurumdan deyilib ki, sözügedən ərazinin işıqlandırılması “Bakı Şəhəri İşığı” EŞM tərəfindən 2025-ci il üçün tədbirlər planına daxil edilib və mərhələli şəkildə həllini tapacaqdır.
Həmçinin yolların asfaltlanması ilə bağlı müvafiq qurumlara müraciət olunduğu da qeyd olunub:
“Ərazinin asfalt örtüyünün bərpa olunması ilə bağlı aidiyyəti üzrə Azərbaycan Respublikası Müdafiə Nazirliyinin Bakı Qarnizonu Mənzil İstismar Hissəsinin rəhbərliyinə rəsmi məktub ünvanlanmışdır”.
