Bakının Yasamal rayonunda yerləşən “Məhsul” stadionunda təmir işləri aparılır. Bu haqda bu gün, 23 aprel tarixində Bakuplus.az İctimai TV-yə istinadən xəbər verir.
Adıçəkilən stadionda 42 ildir əsaslı təmir işləri aparılmayıb. Bu səbəbdən stadion bərbad hala düşüb, oturacaqlar sökülüb, eləcə də ərazinin bir hissəsindən insanlar avtomobil dayanacağı kimi istifadə edirlər.
Sakinlərin sözlərinə görə, bir neçə müddətdir ki, futbol meydançasına giriş lentlərlə məhdudlaşdırılıb.
“Deyilənə görə, burada təzə futbol meydançası tikilməlidir. Biz özümüz də istərdik ki, bura tez düzəlsin, çünki buradan başqa, heç yerdə gəzə bilmirik”, – deyə sakinlər qeyd ediblər.
Yasamal rayon Mənzil Kommunal İdarəsindən bildirilib ki, növbəti aydan ərazidə futbol yarışları keçiriləcək. Hazırda əraziyə su xətləri çəkilir, daha sonra isə qazon salınacaq.
