Bakının Sabunçu rayonu, Zabrat qəsəbəsi, Bəşir Səfəroğlu küçəsində kanalizasiya sistemi və asfalt örtüyünün olmaması sakinlərə problemlər yaradır. Bu haqda bu gün, 2 dekabr tarixində Bakuplus.az Xəzər Xəbər-ə istinadən məlumat verir.
Sakinlər bildirirlər ki, yaşanan problemlə bağlı aidiyyəti qurumlara dəfələrlə müraciət etsələr də, nəticəsi olmayıb.
Məsələ ilə əlaqədar Sabunçu Rayon İcra Hakimiyyətindən bildirildi ki, sakinlərin şikayəti aidiyyəti üzrə yönləndirilib.
"Azərsu" Açıq Səhmdar Cəmiyyətindən isə bildiriblər ki, həmin ərazidə, yeni massivdə kanalizasiya infrastrukturu mövcud deyil. Abşeron yarımadası üzrə master-planda gələcəkdə kanalizasiya infrastrukturunun yaradılması planlaşdırılır.
Azərbaycan Avtomobil Yolları Dövlət Agentliyi ilə isə əlaqə yaratmaq mümkün olmayıb.
[caption id="attachment_81492" align="alignnone" width="640"]
Foto Xəzər Xəbərin rəsmi Youtube kanalı[/caption]
