Sabunçu rayonu, Zabrat qəsəbəsində yerləşən mədəniyyət evi bərbad vəziyyətdədir. Bu haqda bu gün, 6 iyul tarixidnə Bakuplus.az Space Xəbər-ə istinadən məlumat verir.
Ötən əsrin 30-cu illərində inşa olunan və hazırda Əvəz Paşayevin adını daşıyan bina uzun illərdir baxımsız vəziyyətdə qalıb. Bu səbəbdən də bina qəzalıdır. Buna baxmayaraq, binada kurs fəaliyyət göstərir və burada 5 nəfər işçi də var. Binada, həmçinin 12 saylı kitabxana filialı da fəaliyyətdədir.
“Burada hər şey olub. Tamaşalar, filmlər olub, rəqs dərsləri keçiblər”, - deyə sakinlər bildirirlər.
Bildirilir ki, ərazi təmir olunacaq və burada mədəniyyət mərkəzi açılacaq. Rəsmi qurumlar isə araşdırma apacaqlarını qeyd edib.
