İddialara əsasən, Zabrat dairəsindən Sabunçu istiqamətində işıqforlar tıxaca səbəb olur. Bu haqda bu gün, 29 aprel tarixində Bakuplus.az Xəzər Xəbər-ə istinadən xəbər verir.
Sözügedən yoldan istifadə edən sürücülərin və sakinlərin sözlərinə görə, yolda yaranan tıxacların əsas səbəbi yolda işıqforların sayının çox olmasıdır.
“Burada yaranan tıxac gedib çıxır Sabunçu körpüsünə qədər. Bütün yol boyunca 8 dənə işıqfor quraşdırılıb. Buna görə saatlarla “probkada” qalırıq”, – deyə sakinlər şikayət edirlər.
Nəqliyyatı İntellektual İdarəetmə Mərkəzindən (NİİM) bildirilib ki, sözügedən 8 işıqfor, eləcə də paytaxt ərazisində quraşdırılan işıqforlar idarə olunur və müşahidə kameraları vasitəsilə yollara nəzərət edilir. Hansısa problem yarandıqda kameraların köməyi ilə qeydə alınır və aradan qaldırılır.
