Bakı qəbiristanlıqları narkomaniya yuvasına çevrilib. Bu haqda bu gün, 28 may tarixində Bakuplus.az ATV-yə istinadən xəbər verir.
Sakinlərin sözlərinə görə, qəbiristanlığa nəzarət edən olmadığından ərazini qamışlıq bürüyüb,
“Neçə dəfə özümüz görmüşük ki, cavan-cavan uşaqlar gecə saat 2-3-də gəlirlər, iynə vurub gedirlər”, – deyə sakinlər bildirirlər.
Analoji hal Kürdəxanı qəbiristanlığında da müşahidə olunur.
Məsələ ilə bağlı Kürdəxanı bələdiyyəsi bildirib ki, qəbiristanlığa qurum tərəfindən nəzarət olunur, mütəmadi təmizlik işləri görülür.
Zabrat qəbiristanlığı da məsələyə aydınılq gətirib:
“Qəsəbənin o hissəsində mərkəzləşdirilmiş kanalizasiya xətti yoxdur. Ona görə də payız, qış, yaz aylarında yağıntıların çoxalmasına görə qrunt suları üzə çıxır. Qrunt suları olan yerdə həmişə qamış bitir. Buna baxmayaraq, o qamışlar tərəfimizdən mütəmadi olaraq, ildə bir neçə dəfə biçilsə də, yenə də əmələ gəlir. Onun kökünü tam kəsmək hələ ki mümkün olmur”.
Daxili İşlər Nazirliyindən isə ərazilərin nəzarətə götürüləcəyi və tüfeyli həyat tərzi sürənlərə qarşı tədbirlər görüləcəyi qeyd olunub.
