Bakının Xəzər rayonu, Zirə bağlarında internet çəkilən zaman su borusu kəsilib. Bu haqda bu gün, 6 fevral tarixində Bakuplus.az Oxu.az-a istinadən xəbər verir.
Sakinlərin iddialarına görə, əraziyə internet xətti çəkilən zaman şirkətin əməkdaşları su borusunu kəsiblər. Daha sonra borunu tıxayaraq, üstünü örtüblər. Bu səbəbdən sakinlər bir neçə gün susuz qalıblar.
Məsələ ilə bağlı “Azərsu” ASC-nin mətbuat xidmətinin rəhbəri Anar Cəbrayıllı bildirib ki, həmin su xətti qurum tərəfindən deyil, sakinlər tərəfindən çəkilib.
