Fövqəladə Hallar Nazirliyindən (FHN) verilən məlumata görə, dənizdə batmış 17 yaşlı Ağaşirin Ağayevin cəsədi bu gün günorta saatlarında FHN-in əməkdaşları tərəfindən tapılıb çıxarılaraq aidiyyəti üzrə təhvil verilib.
12:02 - Zirə qəsəbəsində boğulan qardaşların meyitləri tapılıb
Xəzər rayonu, Zirə qəsəbəsi yaxınlığında dənizdə batan 2 qardaşın cəsədi tapılıb. Bu haqda bu gün, 13 iyul tarixində Bakuplus.az Fövqəladə Hallar Nazirliyinə (FHN) istinadən xəbər verir.
İyulun 11-də axşam saatlarında nəzarətsiz ərazidə dənizdə batmış 3 nəfərdən ikisinin – 16 yaşlı Amid Aslanov və 15 yaşlı Anar Aslanovun cəsədi bu gün səhər saatlarında suda tapılaraq aidiyyəti üzrə təhvil verilib.
Batdığı ehtimal olunan üçüncü şəxs – 17 yaşlı Ağaşirin Ağayevin axtarış əməliyyatının daha da intensivləşdirilməsi məqsədilə FHN Aviasiya dəstəsinin helikopteri də axtarış işlərinə cəlb olunub.
