Bakı Zoolojı Parkında 22-ci “Himayə Guşəsi” sərgisi keçiriləcək. Bu haqda bu gün, 29 mart tarixində Bakuplus.az xəbər verir.
Sərgi martın 30-da saat 10:00-dan 14:00-dək İDEA Heyvanlara Qayğı Mərkəzi və Bakı Zooloji Parkının birgə təşəbbüsü ilə baş tutacaq.
Ziyarətçilər sərgilənən it və pişiklərlə vaxt keçirə, ev heyvanlarına qulluq haqqında təlimat və məsləhətlər ala, ən əsası isə özlərinə əsl dost qazana bilərlər.
Ev heyvanına sahiblənmək istəyən qonaqlar şəxsiyyət vəsiqəsini təqdim etməli, qısa müsahibədən keçməli və öhdəlik imzalamalıdırlar. 18 yaşdan aşağı olan şəxslər valideynləri ilə gəlməlidirlər. Heyvanları himayəyə götürmək pulsuzdur.
