Futbol üzrə Azərbaycan yığması növbəti qələbəsini qazanıb. Bu haqda bu gün, 26 sentyabr tarixində Bakuplus.az xəbər verir.
UEFA Millətlər Liqasının qrup mərhələsinin son oyununun birinci yarısında Qazaxıstan təmsilçisi öncə oyunçumuza sərt müdaxilə etməsi, daha sonra mübahisəyə başlamasından qırmızı vərəqə aldı. Hesab 66-cı dəqiqədə avtoqol nəticəsində açıldı. Bundan sonra ikinci nəfəsi açılan yığmamız Filip Ozobiçin 74-cü və Anatoli Nuriyevin 90+1-ci dəqiqədə vurduqları qollarla rəqibini 3:0 hesabı ilə məğlub etdi.
“Dalğa Arena”da keçirilən oyundan sonra yığmamız 3 ardıcıl qələbə ilə 10 xal qazanaraq turnir cədvəlində 2-ci yerdə qərarlaşıb. Qazaxıstan isə 13 xal ilə 1-ci yerin sahibi olub. Azərbaycan yığması tarixində ilk dəfə ardıcıl 3 oyunu qələbə ilə bitirib.
