Paytaxtda stend atıcılığı üzrə Bakı Kuboku keçiriləcək. Bu haqda bu gün, 12 mart tarixində Bakuplus.az Azərbaycan Atıcılıq Federasiyasına istinadən xəbər verir.
Martın 13-dən 16-dək Bakı Atıcılıq Mərkəzində stend atıcılığının dairəvi və səngər stendi növləri üzrə fərdi və qarışıq komanda yarışları baş tutacaq.
İdman tədbirində paytaxtda fəaliyyət göstərən idman cəmiyyətləri, klubları və məktəbləri iştirak edəcək.
İlk növbədə qarışıq komanda, sonra isə fərdi yarışların keçirilməsi planlaşdırılır.
