Noyabrın 24-də Dənizkənarı Milli Park ərazisində 100 km məsafəyə qaçış tədbiri baş tutacaq. Bu haqda bu gün, 21 noyabr tarixində Bakuplus.az məlumat verir.
Yarış Atletika Federasiyası tərəfindən keçirilir və Heydər Əliyevin və Azərbaycan atletikasının 100 illik yubileyinə həsr olunub.
Qaçış Ağ şəhər bulvarından Su İdmanı sarayının arxa hissəsi istiqamətində nəzərdə tutulub və 5 dairədən ibarət olacaq. Bir dairənin uzunluğu 21,5 km-dir. Start səhər saat 03:00-da veriləcək.
Start və finiş Ağ şəhər bulvarında nəzərdə tutulub. İştirakçılar start nöqtəsinə bir saat öncə və sağlamlıq haqqında arayışla gəlməlidirlər.
Məsafə üzrə vaxt limiti olacaq:
– 21,5km – 3 saat 15 dəqiqə;
– 43 km – 6 saat 30 dəqiqə;
– 64,5 km – 9 saat 45 dəqiqə;
– 86 km – 14 saat
– 100 km – 16 saat.
