Bakı Atıcılıq Mərkəzində güllə atıcılığı üzrə şəhər çempionatı keçirilib. Bu haqda bu gün, 13 fevral tarixində Bakı Şəhər Gənclər və İdman Baş İdarəsinin mətbuat xidməti məlumat verib.
Ümumilikdə yarışda 73 nəfər iştirak edib. Qadınlar arasında PT-3 hərəkəti üzrə I yerə Jalə Bayramova (DİN RSAİM), PTÇ-3 hərəkəti üzrə I yerə Xanna Əliyeva (RSAİM), kişilər arasında PT-3 hərəkəti üzrə I yerə Üzeyir Tapdıqlı (RSAİM), PTÇ-3 hərəkəti üzrə I yerə Ruslan Lunyev (DİN RSAİM) layiq görülüblər.
Pnevmatik tüfəngdən atəşaçma yarışlarında Jalə Bayramova və Üzeyir Tapdıqlı, pnevmatik tapançadan atəşaçma yarışlarında isə Ruslan Lunyev və Zeynəb Sultanova birinci yeri tutublar.
Qaliblərə medal və diplomlar təqdim olunub.
[URIS id=90533]
