Bakı İdman Sarayında yanvarın 29-dan fevralın 1-dək sərbəst və yunan-Roma güləşi üzrə 20 yaşa qədər güləşçilər arasında Azərbaycan çempionatı baş tutacaq. Bu haqda bu gün, 25 yanvar tarixində Bakuplus.az Güləş Federasiyasına istinadən xəbər verir.
İdman tədbirinin ilk 2 günündə sərbəst, növbəti 2 günündə isə yunan-Roma güləşi üzrə qaliblər müəyyənləşəcək. Azərbaycan Güləş Federasiyasının Gənclər və İdman Nazirliyi ilə birgə təşkil edəcəyi yarışı beynəlxalq və milli dərəcəli hakimlər idarə edəcəklər.
Yarışda yaxşı nəticə göstərən idmançılar milli komandaya dəvət olunacaq. Tədbir hər gün saat 10:00-da start götürəcək.
Çempionatın proqramı aşağıdakı kimidir:
29 yanvar
Sərbəst güləş: 57 kq, 65 kq, 74 kq, 86 kq, 97 kq;
30 yanvar
Sərbəst güləş: 61 kq, 70 kq, 79 kq, 92 kq, 125 kq;
31 yanvar
Yunan-Roma güləşi: 55 kq, 63 kq, 72 kq, 82 kq, 97 kq;
1 fevral
Yunan-Roma güləşi: 60 kq, 67 kq, 77 kq, 87 kq, 130 kq.
