UEFA Çempionlar Liqasının II təsnifat mərhələsinin “Qarabağ” və İsveçrənin “Sürix” komandaları arasında keçiriləcək ilk oyununun biletləri sabah, 15 iyul saat 11:00-da satışa çıxarılır. Bu haqda bu gün, 14 iyul tarixində Metbuat.az məlumat verir.
Qiymətlər müvafiq olaraq 5 manat, 10 manat, 20 manat və 50 manat təşkil edəcək.
Biletləri İticket.az satış məntəqələrindən (saat 11:00-dan 20:00-dək) və onlayn qaydada iticket.az saytından, eləcə də "Qarabağ" FK-nın "Park Bulvar"dakı fan-şopundan (saat 11:00-dan 20:00-dək) və Tofiq Bəhramov adına Respublika stadionunun kassalarından (11:00-dan 20:00-dək) əldə etmək olar.
İyulun 19-da Tofiq Bəhramov adına Respublika stadionunda keçiriləcək görüş saat 20:00-da başlayacaq. Cavab oyunu iyulun 27-də baş tutacaq.
