14 noyabr tarixində Bakıda media nümayəndələri arasında üzgüçülük turniri keçiriləcək. Yarış Gənclər və İdman Nazirliyi, Üzgüçülük Federasiyası, İdman Jurnalistləri Federasiyası və Bakı Su İdmanı Sarayının birgə təşkilatçılığı ilə baş tutacaq. Bu haqda Azərtac xəbər verib.
Zəfər Gününə həsr olunacaq yarışdan əvvəl jurnalistlər üçün üzgüçülük üzrə təlim təşkil ediləcək. Daha sonra yarışa start veriləcək.
Turnir iştirakçılarına xüsusi sertifikatlar, qaliblərə isə müvafiq diplomlar və Su İdmanı Sarayının xidmətlərindən ödənişsiz istifadə üçün abunə kartı hədiyyə ediləcək.
