Bakıda Dənizkənarı Milli Parkın ərazisində bu gün, 9 noyabr tarixində “Qələbə qaçışı” adlı tədbir keçirilib.
Zəfər günü ilə bağlı təşkil olunan tədbirdə 1000-dən artıq iştirakçı 5 kilometrdən çox məsafəni qət ediblər.
Müsabiqədə fiziki məhdudiyyətli şəxslər də paralimpiya velosipedləri ilə mübarizə aparıblar. Onların arasında Qarabağ qazisi olub. Həmçinin, yaşlı təbəqədən olan iştirakçılar finişə çatmağı bacarıblar.
Yarışın qalibləri kişilər arasında Elmar Abışov (17,50 dəqiqə), qadınlar arasında isə Anna Yusupova (18,35) müəyyənləşib. “Fair Play” mükafatının qalibi 82 yaşlı Tarverdi Haqverdiyev olub.
Qaçışdan sonra Finiş xətti ərazisində konsert və digər tədbirlər təşkil olunub, rəsmi nümayəndələr çıxış ediblər.
[URIS id=13467]
