Bakıda böyüklər arasında Boks üzrə Azərbaycan çempionatı keçirilib. Bu haqda 18 yanvar tarixində APA xəbər verib.
Azərbaycan Boks Federasiyasının və Bakı şəhər Gənclər və İdman Baş İdarəsinin təşkilatçılığı ilə keçirilən çempionatda 13 çəki dərəcəsi üzrə 29 komandadan 100 idmançı öz qüvvəsini sınayıb.
Yarışda FHN-nin boks komandası İdman-sağlamlıq klubunun əməkdaşı İlkin Ağayevin rəhbərliyi altında 86 kq çəki dərəcəsində Eldar Quliyev qızıl, 51 kq çəki dərəcəsində isə Nicat Abidov bürünc medala layiq görülüblər.
Qaliblərə Azərbaycan Boks Federasiyasının və Bakı şəhər Gənclər və İdman Baş İdarəsinin diplom və medalları təqdim olunub.
18 yanvar 2022-ci il tarixində Fövqəladə Hallar Nazirliyinin İdman-sağlamlıq klubunun rəisi polkovnik Füzuli Musayev yarışda uğur qazanmış idmançılarla görüşərək onları təbrik edib və müvəffəqiyyətlər arzulayıb.
