“Keşlə” futbol klubunun adı dəyişdirildi. Bu haqda bu gün, 6 aprel tarixində Bakuplus.az Peşəkar Futbol Liqasına istinadən xəbər verir.
Ad dəyişikliyi ilə bağlı UEFA, AFFA və PFL-a rəsmi müraciət artıq olunub və sənədlər təsdiq edilib. “Keşlə” adı “Şamaxı” Futbol Klubu ilə əvəzlənib.
Sözügedən komanda ev oyunlarını Şamaxıda keçirəcək. Klub məşqlərini mövsümün sonuna qədər “ASK Arena”da davam etdirəcək və Şamaxıya oyunlardan 1-2 gün əvvəl gedəcək.
