“Neftçi”nin azarkeş qrupuna İstanbulda “Beşiktaş”ın stadionuna daxil olmağa icazə verilmiyib. Bu haqda bu gün, 18 avqust tarixində Bakuplus.az Report-a istinadən xəbər verir.
“Men in Black” adı ilə tanınan “Neftçi”nin azarkeş qrupu köynəklərində maskalı və əlində fişəng olan fanatın əks olunmasına görə stadiona buraxılmayıb. “Beşiktaş”ın nümayəndələri onlara kömək etməyə çalışsalar da, UEFA buna qarşı çıxıb.
Bəzi azarkeşlərin içəri buraxılmasına baxmayaraq, eyni şəkil olan bayrağın arenaya keçirilməsinə icazə verilməyib.
Ötən gün, UEFA Konfrans Liqasının III təsnifat mərhələsinin cavab matçları keçirilib. “Beşiktaş” “Neftçi” PFK-nı 2:1 hesabı ilə məğlub edib. Ümumi nəticədə 5:2 hesabı ilə məğlub olan təmsilçimiz avrokuboklarla vidalaşıb.
