“Neftçi” Futbol Klubunun zədəli futbolçusu məşqlərə qoşulub. Bu haqda bu gün, 8 fevral tarixində Bakuplus.az klubun mətbuat xidmətinə istinadən xəbər verir.
Bir müddət əvvəl zədəli olan 26 yaşlı sol qanad hücumçu Kilan Lebon artıq əsas heyət ilə məşqlər keçirir.
Qapıçı İvan Brkiç hələ də müalicə prosesini davam etdirir. Onun nə vaxt məşqləri bərpa edəcəyi bir həftə sonra məlum olacaq.
Digər qolkiper Emil Balayev və Asiya Kubokunda zədələnən yarımmüdafiəçi Ataa Caberin müalicə və reabilitasiyası davam edir.
“Neftçi” 9 fevral tarixində Azərbaycan Kubokunun 1/4 final mərhələsinin cavab oyununda "Sumqayıt"ı qəbul edəcək.
