Bakıda stolüstü tennis üzrə Azərbaycan çempionatı keçiriləcək. Bu haqda bu gün, 4 aprel tarixində Bakuplus.az Report-a istinadən xəbər verir.
İdman tədbiri aprelin 5-də “Şüa” İdman Kompleksində start götürəcək. Yarışlar komanda, şəxsi, qoşa və qarışıq-qoşa növlərində keçəcək. Çempionatda paytaxt idmançıları ilə yanaşı, ölkənin müxtəlif bölgələrini təmsil edən idmançılar iştirak edəcəklər.
4 gün davam edəcək turnirdə fərqlənənlərə Gənclər və İdman Nazirliyinin medal və diplomları, həmçinin Azərbaycan Stolüstü Tennis Federasiyasının mükafatları təqdim olunacaq.
Çempionat aprelin 8-nə qədər davam edəcək.
