Dekabrın 8-dən 12-dək Antalya şəhərində keçirilən (Unifight) Universal döyüş idman növü üzrə dünya çempionatında Sabunçu RPİ PPXB-nin polis baş serjantı Orxan Şükürov gümüş medalı qazanıb. B u haqda Daxili İşlər Nazirliyinin mətbuat xidməti bu gün, 18 dekabr tarixində məlumat yayıb.
85 kiloqram çəki dərəcəsində çıxış edən idmançı İran, Qazaxıstan və Özbəkistandan olan rəqiblərini məğlub edib. Şükürov finala yüksəlib, lakin ukraynalı idmançıya tab gətirə bilməyib və gümüş medal qazanıb.
Orxan Şükürov Azərbaycan yığma komandasında çıxış edib. Ümumilikdə ölkəmizi 32 idmançı təmsil edib.
