Prezident İlham Əliyev MMA döyüşçüsü Nəriman Abbasova ev verib. Bu barədə idmançı 4 mart tarixində öz İnstaqram hesabında paylaşım edib.
O, paylaşımında ölkə başçısına və Gənclər və İdman naziri Fərid Qayıbova təşəkkür edib: “Çalışmağa davam edəcəm. Ölkəmi və bayrağımı daim yaxşı təmsil etmək istəyirəm”.
Nəriman Abbasov 1 fevral 1994-cü ildə Bakıda anadan olub. Azərbaycanı təmsil edən qarışıq döyüş sənəti (MMA) üzrə peşəkar döyüşçü Şəhriyar Abbasovun rəhbərliyi altında məşq edir. "GabalaSportClub", "TTFightClub", "AzerbaijanFightClub"-u təmsil edir. O, yüngül çəkidə AMC FNG çempionu, NOMAD MMA N1 Pro kəmər sahibi, 2 qat WMMAF versiyasında MMA üzrə Dünya Çempionu, Dünya Kubok Çempionu, MMA üzrə Avrasiya Çempionudur.
