“Qarabağ”-”Dinamo Zaqreb” matçına biletlərin satışa çıxarılacağı tarix açıqlanıb.
Bakuplus.az kluba istinadən xəbər verir ki, UEFA Çempionlar Liqasının pley-off mərhələsinin “Qarabağ” - “Dinamo” (Zaqreb, Xorvatiya) oyununun biletləri bu gün saat 12:00-da satışa çıxarılacaq.
Tofiq Bəhramov adına Respublika stadionunda baş tutacaq matçın biletlərinin qiyməti müvafiq olaraq 5, 20, 30, 40, 75 və 150 AZN təşkil edir.
VVIP C və VVIP D sektorlara bilet alaraq, VIP Lounge üstünlüklərindən yararlanmaq istəyən azarkeşlər üçün biletlərin qiyməti isə 300 AZN-dir.
Qarşılaşma üçün biletləri iTicket.az-ın satış məntəqələri, Park Bulvardakı “Qarabağ” FK-nın Fan-Şopu və Tofiq Bəhramov adına Respublika stadionunun kassalarından əldə edə bilərlər.
Matç 28 avqust saat 20:45-də baş tutacaq.
