“Səbail” Futbol Klubunun kapitanı məşqlərə geri dönəcək. Bu haqda bu gün, 25 yanvar tarixində Bakuplus.az Report-a istinadən xəbər verir.
Ağabala Ramazanov növbəti həftədən bərpa idmanına başlayacaq. 31 yaşlı hücumçu Türkiyədə təkrar tibbi müayinədən keçib.
"Hər şey qaydasındadır. Heç bir problem yoxdur. Klub həkiminin dediyinə əsasən, gələn həftədən bərpa idmanına başlayacaq", – deyə klubun Media və marketinq şöbəsinin rəhbəri Rəşad Məmmədov bildirib.
Ötən ilin noyabr ayında baş tutmuş “Səbail” – “Tovuz” matçında Ağabala Ramazanov rəqib futbolçu ilə toqquşduqdan sonra ağır zədə alaraq huşunu itirmişdi.
