Bakıdan rayonlara istirahətə gedən 11 yaşlı qız Zaqatala rayonunda dünyasını dəyişib. Bu haqda bu gün, 10 iyul tarixində Bakuplus.az Qafqazinfo-ya istinadən məlumat verir.
Dəniz Nuri ailəsi ilə birgə Bakıdan rayonlara istirahətə gedib. Əvvəlcə onlar Tovuz və Şəki rayonlarını ziyarət ediblər. O zaman qız özünü pis hiss etdiyindən hər iki rayonun xəstəxanalarına aparılıb.
Daha sonra ailə Zaqatala rayonu, Bəhmətli kəndinə qonaq gedib. Oradan qız iyulun 7-də ağır vəziyyətdə Zaqatala Rayon Mərkəzi Xəstəxanasının (RMX) Təcili yardım şöbəsinə aparılıb. Xəstəxanaya çatdırılmış uşaq orada 20-25 dəqiqə sonra dünyasını dəyişib.
Onun hansı səbəbdən öldüyü barədə araşdırma aparılır. Uşağın nəşi müayinə edilmək üçün Məhkəmə-Tibbi Ekspertiza və Patoloji Anatomiya Birliyinin Zaqatala rayon şöbəsinə təhvil verilib.
