Azərbaycan Yüksəliş Partiyasının qurucularından biri olan Anar Əsədlinin ölkədən çıxışına qadağa qoyulub. Bu haqda BakuPlus.az DİN-in mətbuat xidmətinə istinadən bu gün, 18 noyabr tarixində xəbər verir.
A.Əsədli şəxsi Facebook səhifəsində bu barədə fikir bildirib:
“Hazırda qanunsuz olaraq ölkədən çıxışıma Daxili İşlər Nazirliyi tərəfindən qadağa qoyulub. Heydər Əliyev adına Hava Limanındayam. Məsələ ilə bağlı Daxili Işlər Nazirliyinin rəhbərliyi məlumatlandırılıb”.
DİN-dən verilən açıqlamaya görə isə onun barəsində tətbiq olunan bu qərara səbəb iki vətəndaşın dələduzluqla bağlı Daxili İşlər Nazirliyinə etdikləri şikayətdir. Belə ki, A.Əsədli yalan vədlər verərək onların birinin 150 min, digərinin isə 10 min ABŞ dolları pulunu mənimsəyib.
Hazırda hər iki müraciətlə bağlı Daxili İşlər Nazirliyində araşdırma aparılır. A.Əsədlinin ölkəni tərk etməsinə qoyulan məhdudiyyət də məhz bu araşdırmalarla əlaqədardır.
