Bakıda 11 il əvvəl baş verən qətli törətməkdə təqsirləndirilən şəxsin məhkəməsi başlayır. Bu haqda 30 noyabr tarixində Report məlumat verib.
Cinayət işi Bakı Ağır Cinayətlər Məhkəməsinin hakimi Səbuhi Hüseynov tərəfindən baxılacaq. Məhkəmə prosesinin tarixi hələ məlum deyil.
Daha öncə məlum olub ki, 2011-ci il oktyabrın 31-də paytaxtın Xətai rayonu, NZS qəsəbəsi ərazisində Əhəd Salahov dava zamanı yaxın dostluq, eyni zamanda qohumluq əlaqələri olan Firudin Məmmədovla paytaxt sakini İlkin Qurbanovu bıçaqlayaraq öldürüblər.
Məlum olub ki, Əhəd Salahov İlkini öldürmək üçün Firuddin Məmmədovla birgə qətl planı qurub.
Həmin il noyabrın 4-də Firudin Məmmədov avtomaşında sol dirsək oynağının ön səthini iti kəsici alətlə kəsərək intihar edib.
2022-ci il avqustun 24-də Əhəd Salahov polis tərəfindən saxlanılıb və onun barəsində Cinayət Məcəlləsinin “Sifarişlə qəsdən adam öldürmə” maddəsi ilə cinayət işi açılıb.
