Paytaxtdakı Yeni Günəşli qəsəbəsinin 285 nömrəli tam orta məktəbin 7-ci sinif şagirdi müəmmalı şəkildə dünyasını dəyişib. Bu haqda bu gün, 22 dekabr tarixində APA məlumat verib.
Bu gün saat 13:00 radələrində məktəbdə olan şagirdin səhhəti pisləşib. Məktəbin tibb işçisi həkimin tövsiyəsi ilə (şagird səhhətinə görə həkim nəzarətində olub) dərhal müdaxilə edib və ilkin tibbi yardım göstərib.
Məktbəb rəhbərliyi tərəfindən təcili tibbi yardım çağırılıb, şagirdin ailəsinə və hüquq-mühafizə orqanlarına məlumat verilib. Lakin şagird təcili-tibbi yardım maşını ilə xəstəxanaya aparılarkən yolda vəfat edib.
