Bakı Apellyasiya Məhkəməsində narkotik vasitələrin qanunsuz dövriyyəsində təqsirləndirilən Səadət Sadıqovanın Bakı Ağır Cinayətlər Məhkəməsinin hökmündən verdiyi şikayətə baxılıb. Bu haqda bu gün, 1 noyabr tarixində Trend məlumat verib.
Şikayətə hakim Mirzəli Abbasovun sədrliyi ilə baxılıb. Qərara əsasən, Sadıqovanın şikayəti təmin edilib, Bakı Ağır Cinayətlər Məhkəməsinin hökmü ləğv edilib. Məhkəmə ona bəraət verib.
Daha öncə Bakı Ağır Cinayətlər Məhkəməsinin hökmü ilə Səadət Sadıqova 8 il müddətinə azadlıqdan məhrum edilib.
İstintaq orqanı ona Cinayət Məcəlləsinin “qanunsuz olaraq külli miqdarda narkotik vasitələri, psixotrop maddələri və ya onların prekursorlarını hazırlama, istehsal etmə, əldə etmə, saxlama, daşıma, göndərmə və ya satma” maddəsi ilə ittiham irəli sürüb.
