“Emin 444” ləqəbli kriminal avtoritetin ölümünə görə kikboksinq üzrə dünya çempionunu qətlə yetirmiş Samir Şirəliyevə hökm oxunub və o,18 il müddətinə azadlıqdan məhrum edilib. Bu haqda 28 oktyabr tarixində Report məlumat verib.
Hökm Bakı Ağır Cinayətlər Məhkəməsinin hakimi Əhməd Quliyevin sədrliyi ilə keçirilən prosesdə elan edilib. Dövlət ittihamçısı S.Şirəliyevin 20 il müddətinə azadlıqdan məhrum edilməsini istəmişdi.
Bakıda “Emin 444” ləqəbli kriminal avtoritet Emin Səfərovu qətlə yetirməkdə təqsirləndirilən Zaur Yusifov məhkəmənin hökmü ilə bəraət alıb və azadlığa buraxılıb. Növbəti gün o, naməlum şəxs və ya şəxslər tərəfindən “Vinçester” markalı silahla güllələnərək qətlə yetirilib.
Bir müddət sonra “Emin 444” kimi tanınan Emin Səfərovun xalası oğlu, 22 yaşlı Samir Şirəliyev Yusifovu qətlə yetirməkdə şübhəli bilinərək həbs edilib.
Zaur Yusifov kikboksinq üzrə dünya çempionu olub.
