Paytaxtın Yasamal rayonunda narkotik alverinə qarşı əməliyyat keçirilib. Bu haqda bu gün, 16 yanvar tarixində Bakuplus.az Daxili İşlər Nazirliyinə istinadən xəbər verir.
Keçirilən əməliyyat zamanı 14 nəfər saxlanılıb, ümumilikdə 7 kiloqrama yaxın heroin və metamfetamin aşkar edilib. Tutulanlardan 3-ü - Elnur Hüseynov, tanışı Rəhman Hüseynov və Emil Əliyev Yasamal rayonu ərazisində narkotik ticarətini aparan əsas insanlardan olublar.
Aşkar olunan faktlarla bağlı araşdırmalar davam edir.
Daha öncə “Papanin”, “Kubinka” adlanan ərazilərdə, eləcə də Maştağa qəsəbəsində narkotacirlərin saxlanılması barədə məlumat verilmişdir.
