17:45 - Yenilənib
Yeni daxil olan məlumata görə, Biləcəridə zorakılığa məruz qalan it qadın tərəfindən döyülür. Bu barədə heyvan hüquqlarının müdafiəçisi Fərid Mansurov öz səhifəsində məlumat verib.
O, həmçinin bildirib ki, polis əməkdaşları hələ ki müvafiq tədbirlər görməyiblər.
Mansurov laqeyd olmayan vətəndaşları çağıraraq ərazidə toplaşacağını elan edib. Jurnalistlərin, ictimai xadimlərin də gəlişi gözlənilir.
15:36 - Yenilənib
Daxili İşlər Nazirliyinin (DİN) mətbuat xidmətinin əməkdaşı Nurlan Əliyev bildirib ki, həmin video ilə bağlı araşdırma aparılır: "Hazırda həmin şəxsin müəyyən olunaraq məsuliyyətə cəlb olunması işləri aparılır".
13:39 - Binəqədidə it döyülür
Bakının Biləcəri qəsəbəsində, Döngə 3 ünvanında yaşayan kişi itini vəhşicəsinə döyür. Bu haqda bu gün, 31 yanvar tarixində Bakuplus.az heyvan haqları müdafiəçisi Fərid Mansurova istinadən məlumat verir.
Mansurov heyvana qarşı amansızlıqla bağlı görüntülər paylaşıb.
O qeyd edib ki, həmin ünvanda yaşayan Məlik Aslanov adlı şəxs gün ərzində bir neçə dəfə itini döyür: “Bu məlumatı bizə verən həmin şəxsin qonşularıdır. Qonşular onu da qeyd edirlər ki, həmin bu şəxs iti xüsusi amansızlıqla döyür, hətta bəzən iti başı-aşaqa asaraq taxta ilə var gücü ilə günahsız heyvanın başına-başına vurur. Videogörüntüdən də bəllidir ki, iti döyən bu şəxs törətdiyi əməldən zövq alır”.
Fərid Mansurov Azərbaycan Heyvanları Mühafizə İctimai Birliyi adından məsələyə hüquq-mühafizə orqanlarından hüquqi qiymət verilməsini tələb edir.
Daha öncə sosial şəbəkələrdə Yeni Günəşli qəsəbəsində bir və ya bir neçə şəxsin itin qarnını kəsərək ayağından ağaca asması barədə məlumat yayılıb.
[video width="426" height="234" mp4="https://bakuplus.az/storage/photos/2023/01/328385085_1127967851179760_8909056619807535940_n-1.mp4"][/video]
