Koronavirusdan ölən qadının işi ilə bağlı təkrar məhkəmə-tibbi ekspertizası təyin edilib. Bu haqda 11 noyabr tarixində Report məlumat verib.
Koronavirus infeksiyasından vəfat edən 79 yaşlı Asya Sadıqovanın həkimlər tərəfindən yanlış müalicə olunması barədə daxil olmuş müraciət əsasında rayon prokurorluğunda araşdırma aparılmaqla ərizəçinin, eləcə də müalicəni aparmış həkimlərin izahatları alınıb.
Araşdırma zamanı məlum olub ki, aparılmış müalicə prosesində həkim pozuntularına yol verilməyib.
Buna baxmayaraq, mərhumun oğlu Vüqar Sadıqovun müraciətlərinə əsasən, təkrar komisyon məhkəmə-tibbi ekspertizası təyin edilib.
“Hazırda tam və hərtərəfli araşdırma davam etdirilməklə toplanmış sübutların məcmusuna əsasən, material üzrə qanuni qərarın qəbul edilməsi təmin ediləcək", - Baş Prokurorluğun Mətbuat Xidmətindən məlumat verilib.
