3 saylı istintaq təcridxanası və 10 saylı cəzaçəkmə müəssisəsinə qadağan olunmuş əşyaların keçirilməsi cəhdlərinin qarşısı alınıb. Bu haqda BakuPlus.az Penitensiar Xidmətin İctimaiyyətlə əlaqələr şöbəsinə istinadən bu gün, 28 oktyabr tarixində xəbər verir.
Həbsdə olan Mübariz Zülfüqarova arvadı Güllü Həsənovanın gətirdiyi sovqatda cins şalvarın yan cibində sellofan bükülüdə ümumi çəkisi 0,157 qram çətənə bitkisinin toxumları aşkar edilib.
10 saylı cəzaçəkmə müəssisəsində cəza çəkən Sərdar Şirinov ilə qısamüddətli görüşə gəlmiş arvadı Rəna Şirinovanın gətirdiyi sovqata baxış keçirilən zaman zənbilin içərisində gizlədilmiş daxilində danışıq kartı olan 1 ədəd “Xiaomi” markalı mobil telefon aparatı və elektrik qidalandırıcısı aşkar olunub.
Hər iki faktla bağlı araşdırma aparılır.
[caption id="attachment_76800" align="alignnone" width="640"]
Foto Ədliyyə Nazirliyinin rəsmi saytı[/caption]
