Bakıda xadimə işlədiyi evdən külli miqdarda pul oğurlayıb. Bu haqda bu gün, 1 noyabr tarixində Bakuplus.az Qafqazinfo-ya istinadən xəbər verir.
41 yaşlı Sonaxanım Məmmədova universitet müəllimi işləyən N.Əhmədovun evində xadimə kimi çalışırdı. O, hissə-hissə olmaqla mənzildən 54.000 AZN oğurlayıb. S.Məmmədova və onun yoldaşı, 47 yaşlı Xaliq Məmmədov mənimsədikləri pulla özlərinə “Nissan Murano” avtomobili alıblar və kredit borclarını bağlayıblar.
Zərərçəkən faktla bağlı məhkəməyə müraciət edib. S.Məmmədova və həyat yoldaşı ittihamı qəbul etməyib və oğurluğu başqa adamın edə biləcəyini bildiriblər.
Nəticədə məhkəmə ər və arvada 6 il azadlıqdan məhrumetmə cəzası verib.
