Akademik Rus Dram Teatrının truppası Şəkidə yol qəzasına düşüb. Bu haqda bu gün, 30 may tarixində Oxu.az məlumat verib.
Aktyorlar Şəki Dövlət Dram Teatrının səhnəsində “Я, ты, он и телефон” (“Mən, sən, o və telefon”) tamaşasını oynamaq üçün səfərə gediblər.
Teatr heyətini rayona aparan avtobusun dəmir konstruksiyaya ilişməsi nəticəsində bir tərəfində olan pəncərələri sınıb.
Hadisə zamanı xəsarət alan olmayıb. Avtobusa ciddi maddi ziyan dəyib.
