Bakıdan Qazaxa gedən ailə ağır qəzaya düşüb. Bu haqda bu gün, 1 iyul tarixində Bakuplus.az Qafqazinfo-ya istinadən xəbər verir.
Hadisə Qazax rayonunun Çaylı kəndi ərazisində baş verib. Bakıdan gedən “Nissan” markalı avtomobil “Ford” markalı nəqliyyat vasitəsi ilə toqquşub. Nəticədə birincinin sərnişini olan 45 yaşlı Elnur Nəzərov hadisə yerində dünyasını dəyişib.
Faktla bağlı araşdırma aparılır.
Avtomobili mərhumun həyat yoldaşı idarə edirmiş. Onlar Bakıdan Qazaxa Elnurun baldızının vəfatının 40-cı günü ilə əlaqədar keçirilən anım mərasiminə gedirlərmiş.
