Abşeron rayonunda saxlanılan Bakı sakinində narkotik aşkar olunub. Bu haqda bu gün, 26 iyun tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Abşeron Rayon Polis İdarəsi əməkdaşlarının keçirdikləri əməliyyat tədbiri nəticəsində Bakı şəhər sakini Rauf Mayılov saxlanılıb. Şəxsi axtarış zamanı ondan 23 qrama yaxın heroin və 5 qrama yaxın metamfetamin aşkar olunub.
Davam etdirilən tədbirlərlə onun yaşadığı evə baxış zamanı oradan əlavə 1 kiloqram 334 qramdan artıq heroin, 260 qramdan çox metamfetamin və elektron tərəzi götürülüb.
Faktla bağlı araşdırma aparılır.
