Qafqazinfo-nun verdiyi məlumata əsasən, Sübhan Quliyev Oğuzda yerləşən "Səma" hotelində vəfat edib. O, dostunun qızının toyuna gəlmişdi. Axşam onun halı pisləşib və Təcili Tibbi Yardım gəlib. Səhər isə o, otağında ölü tapılıb.
Sübhan Quliyev əvvəllər xüsusi xidmət orqanlarında xidmət edib. O, pensiyaya çıxdıqdan sonra, 2020-ci ildən Azərbaycan Dövlət Turizm Agentliyi sədrinin müşaviri vəzifəsində çalışırdı.
11:30 - Bakı sakini Oğuz rayonunda ölüb
Bakı sakini Oğuzda vəfat edib. Bu haqda bu gün, 27 iyun tarixində Bakuplus.az Report-a istinadən xəbər verir.
57 yaşlı Sübhan Quliyev toy şənliyində iştirak üçün Oğuz rayonuna gedib. O, bu gün səhər saatlarında qaldığı hoteldə ürəktutmadan dünyasını dəyişib.
“Toydan çıxıb, hotelə dönüb, burada özünü pis hiss edib. Gecə saatlarında, hətta ona Təcili Tibbi Yardım çağırılaraq iynə də vurulub. Bu gün səhər isə hotel əməkdaşları onu otağında ölmüş vəziyyətdə aşkar ediblər”, - deyə məlumatda bildirilir.
Faktla bağlı araşdırma aparılır.
