Ötən gün saat 23:00 radalərində Qəbələdə ölümlə nəticələnən yol qəzası baş verib. Bu haqda bu gün, 31 may tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
“Volkswagen” markalı avtomobilin sürücüsü, 64 yaşlı Bakı şəhər sakini Rövşən Mustafayev Qəbələ şəhəri ərazisində idarəetməni itirib və nəqliyyat vasitəsi yolun kənarındakı ağaca çarpılıb.
Sürücü hadisə yerində ölüb, avtomobildə sərnişin oturacağında olan qızı və bir azyaşlı nəvəsi müxtəlif dərəcəli bədən xəsarətləri alıblar.
Faktla bağlı araşdırma aparılır.
