Heydər Əliyev Beynəlxalq Aeroportunda Banqladeş vətəndaşı saxlanılıb. Bu haqda bu gün, 22 dekabr tarixində APA məlumat verib.
22 dekabr saat 01:05 radələrində "Azərbaycan Hava Yolları"nın Təhlükəsizlik İdarəsinin əməkdaşları keçirdikləri xüsusi baxış zamanı İslam Md Shahidulu saxlayıblar. Aparılan yoxlama zamanı onun üzərində 20 ədəd Banqladeş pasportu və 2 möhür aşkarlanıb. Bundan əlavə, pasportlarda Serbiya Respublikasının saxta vizaları da aşkar edilib.
İslam Md Shahidul həmyerlilərinə iş vədi verib. Müəyyən pul müqabilində onları Avropa ölkələrindən birinə göndərəcəyi adı ilə Azərbaycan Respublikasına gətirib.
Banqladeş vətəndaşı Hava Nəqliyyatında Polis İdarəsinə təhvil verilib.
