Evli kişi sevgilisi tərəfindən şantaj edildiyinə görə polisə müraciət edib. Bu haqda bu gün, 29 noyabr tarixində BakuPlus Qafqazinfo-ya istinadən xəbər verir.
Verilən məlumata əsasən, Qaradağ RPİ-nin 10-cu Polis Bölməsinə müraciət edən 43 yaşlı X adlı şəxs (ad şərtidir) qeyri-rəsmi münasibətdə yaşadığı Əfsun adlı qadının ondan hədə-qorxu yolu ilə pul aldığını deyib.
O bildirib ki, sevgilisi onunla münasibəti barəsində ailəsinə və digər şəxslərə bildirəcəyi və ailəsini dağıdacağı hədəsi ilə ondan pul tələb edib. Qadın sevgilisindən bu yolla Qaradağ rayonunda yerləşən “Binə” ticarət mərkəzində 700 manat pul alıb.
Müraciətlə bağlı araşdırmalar aparılır.
