Bakıda gömrük əməkdaşları İrandan qaçaqmalçılıq yolu ilə siqaret keçirilməsinin qarşısını alıblar. Bu barədə bu gün, 19 noyabr tarixində Dövlət Gömrük Komitəsinin (DGK) mətbuat xidmətindən bildirilib.
Azərbaycan Dövlət Gömrük Komitəsinin İstintaq Baş İdarəsinin əməkdaşları tərəfindən Xocəsən gömrük postunda həyata keçirilən tədbirlər nəticəsində hüquqi şəxs tərəfindən İrandan idxal edilən portağal daşıyan 99 DE 312 / 99 ZB 124 dövlət nömrə nişanlı yük avtomobilinə gömrük baxışı keçirilib.
Yoxlama zamanı 198 plastik qutuda 23.846 qutu “Kent”, 7980 qutu “Marlboro”, 500 qutu “Parliament”, 15.000 qutu “Milano” və 90 qutu “Senator” siqaretləri gizlədilib.
Həmin qanunsuz əməllərin törədilməsində iştirak edən şəxslərin dairəsinin müəyyənləşdirilməsi istiqamətində tədbirlər davam etdirilir.
[caption id="attachment_79751" align="alignnone" width="640"]
Foto Dövlət Gömrük Komitəsinin rəsmi saytı[/caption]
