Ömürlük məhkum olanlar məhkəməyə müraciət ediblər. Bu haqda bu gün, 24 iyun tarixində Bakuplus.az APA-ya istinadən xəbər verir.
Qobustan həbsxanasında cəza çəkən və ömürlük azadlıqdan məhrum edilən “Qaranquş” dəstəsinin üzvü İntiqam Qayıbov, Sahib Məmmədalıyev, eləcə də Yaşar Pənahpur Qaradağ rayon məhkəməsinə müraciət ediblər.
Onlar 25 ildən artıqdır cəza çəkdiklərini, barələrindəki hökmlərin müddətli cəzaya dəyişdirilməsini və azadlığa buraxılmalarını xahiş ediblər. Məhkəmə müraciəti təmin etməyib. Buna görə də məhkumlar apellyasiya şikayəti veriblər.
