Bakı şəhər sakini və onun sərnişinləri qəza nəticəsində dünyasını dəyişiblər. Bu haqda bu gün, 4 iyul tarixində Bakuplus.az Daxili İşlər Nazirliyinə istinadən xəbər verir.
Yol-nəqliyyat hadisəsi iyulun 3-ü Ələt-Astara yolunun 70-ci km-də qeydə alınıb. Rusiya Federasiyası vətəndaşı U.Kərimovun idarə etdiyi "Volvo" markalı yük avtomobili qarşıda hərəkət edən Məhərrəm Fərziyevin idarə etdiyi "VAZ-21051" markalı avtomobillə toqquşub. Minik avtomobilinin sürücüsü və 2 nəfər sərnişini ölüblər.
İlkin ehtimala görə, qəzanın baş verməsinə səbəb yük avtomobili sürücüsünün diqqətsizliyi və "VAZ"ın sürücüsünün sürət həddi yüksək olan magistral yolda sağ zolaq boş olduğu halda avtomobili sol zolaqla və aşağı sürətlə idarə etməsi olub.
Həmçinin minik avtomobilin istismar müddətinin 33 ildən artıq olması, qəza zamanı böyük əhəmiyyət kəsb edən təhlükəsizlik avadanlıqlarının olmaması bu qəzada ölüm hallarının baş verməsinin əsas səbəblərindəndir.
